《踩过界》踩过界　欧阳靖都玩埋定欣露腹肌胡蓓蔚黄智雯晒线抢镜

今日快报

袁紫侨生日P 猷君低调做背后的男人

今日（10号）就系艺人袁紫侨（CoCo）嘅26岁生日，之前出活动CoCo就话喺上海食咗餐

惊喜嘅生日饭，男友何猷君同一班朋友飞去陪佢庆祝。

凌晨时段，CoCo就甫番当日嘅生日饭局相出嚟，何佩瑜、简淑儿、JW等都有份出席，不过就未见猷君。之后CoCo换咗衫再出席生日派对，男友猷君终于现身，不过佢好低调，全程都只系喺一张相现过身，大合照时企正喺CoCo身后做「背后的男人」，真系一时睇漏眼会以为猷君冇份出席添。

而呢一次生日饭局相除咗CoCo同猷君呢一对之外，亮点仲有JW同富二代男友叶韦彤（Tarzan Ip），影相嘅时候Tarzan轻揽JW条腰，佢哋一向唔锺意高调晒恩爱，今次唔知算唔算系畀好友CoCo出卖呢？

撇老公欧游李亚男三点式派福利

艺人李亚男于2015年与王祖蓝结婚后，一直非常恩爱，幸福满泻。虽然祖蓝工作就非常忙碌，陪唔到亚男，不过亚男都冇任何怨言，简直系廿四孝太太呀！

而最近亚男就同屋企人去咗旅游，呢日亚男仲喺社交网上载咗一张三点式泳照，向网友大派福利，佢仲话自己身处于布达佩斯，相中就见到亚男展现其美好身材，唔单止晒出深长嘅事业线，仲大晒纤腰同长腿，网友都大赞身材正到爆，好令人「葡萄」，仲话真系靓人靓景呀！

定欣露腹肌胡蓓蔚黄智雯晒线抢镜

无线节目《一起跑过的日子》播出，讲述一班喜欢跑步的艺人胡定欣、胡蓓蔚及黄智雯等跑步以来的心路历程，众人组成的「Crazy Runner」不时会相约跑步，节目中的胡定欣最为密实，不过就贴出一张她与胡蓓蔚、李施嬅的合照，三人齐齐穿上露腰的小背心跑步，大晒腹肌，未几又有一张连埋袁伟豪、胡诺言赤裸上身齐齐跑步的合照，二人晒肌示人，甚有惊喜！

胡蓓蔚在节目中亦有练体能的画面，见她穿小背心做健身，不经意晒线头，黄智雯亦一样，受访时虽然穿上长袖外套，不过就拉低拉链，轻露事业线。至于新一代男神袁伟豪受访时穿紧身背心，大晒爆肌相当吸睛！

与两子直播开餐！张柏芝家居曝光

女星张柏芝最近成为社交网嘅活跃份子，佢仲好热衷玩网上直播，连日来都开live同粉丝亲民互动，又开心share日常生活，够晒「贴地」！晚上柏芝又玩直播，不过地点转咗喺餐厅，皆因佢带埋两个囝囝出街食饭，同场仲有工作人员及友人，齐齐开心聚一聚。

甫开始，柏芝独自玩直播，中介绍身边嘅工作人员，点知细仔Quintus突然入镜头，仲系咁用英文同柏芝对话，又玩佢啲头发。期间，大仔Lucas又突然入镜抢FO，至于Quintus继续玩柏芝啲头发，仲用英文大赞柏芝啲头发好柔顺，叫佢唔好剪头发，古灵精怪嘅Lucas就时不时霸住个镜头，搞到柏芝冇晒符，相当搞笑！

此外，柏芝亦喺网上甫短片，片中佢着上小背心喺屋企出镜，不过就摆出劲苦恼嘅表情，佢自爆屋企部计算机未整好，难怪咁头痕啦！但一众网民放错焦点，发现柏芝唔小心晒出其屋内嘅环境，仲见到佢间房楼底相当高，大赞柏芝好识叹！

《踩过界》踩过界欧阳靖都玩埋

内地小鲜肉吴亦凡经常喺内地节目《中国有嘻哈》向参赛者问「你有Freestyle吗？」，而早前因为佢向蒙面神秘男子挑机，最后被对方嘅超神Rap技吓窒，霸气尽失，而呢位神秘男子就系被外界称为华人饶舌巨星嘅欧阳靖（MC Jin）！片段一出令唔少观众哗然，大赞MC Jin系实力派Rapper，而吴亦凡嘅「Freestyle」金句就成为全城热话，更成为网民恶搞嘅对象。网络红人派翠克已迅速拍咗段片模仿吴亦凡，估唔到连无线Facebook专页See See TVB都忍唔住参与埋一份！

See See TVB上载咗剧集《踩过界》嘅片段，「蔡思达」（蔡思贝）带埋牛肉刀去拷问「Signal Wong」（王浩信），话就话解构Signal喺剧中点解会失明，但其实就充满恶搞成分，以呢期最Hit嘅MC Jin同吴亦凡做话题，仲乘机抽埋其他艺人水，包括喺内地节目《蒙面歌王》巫启贤唔认得化身做「白棱镜」嘅李克勤，仲有喺球场上被误认做杜德伟嘅许志安。