今日快报
爆乳转移视线 何雁诗刻意遮前臂伤痕
歌手何雁诗（Stephanie）与男友郑俊弘（Fred）及胡鸿钧现身《华语金曲奖颁奬礼》红地毡，而Stephanie就穿上一袭香槟金色的超低胸连身透视裙，爆乳上阵，早前被传为情割脉的她，全程将左手贴埋身疑遮掩伤痕。
接受访问时，提到两人是否首次情侣档出席颁奖礼，他们指之前有一起出席过无线劲歌金曲优秀选。问到为何唔拖住手出场，Stephanie表示两人分开出场，而Fred就话因为要拖住小朋友出场，Stephanie闻言即抢答谓：「佢拖住第二条女呀！」在旁的Fred就笑言个小朋友系男仔。
讲到女友咁性感，Fred支吾以对说：「系囉......」胡鸿钧就指同Stephanie同车来到现场，笑言眼见对方咁性感，都要谂办法如何抢fo。至于问到Fred事前是否知道女友咁性感，佢话：「唔知㗎。（觉得佢好大胆？）呢啲系佢嘅选择。（有冇睇吓有冇人望佢？）冇呀。」胡鸿钧就大赞Stephanie大方得体，而Stephanie就搞笑话要分享吓。
另外，谈到Stephanie罕有地穿上透视手袖嘅长裙，不过全程都刻意夹住只手，她说：「唔系所有嘢都要张开㗎嘛，要有小小矜持。」
陈法拉做完嘢即飞美国会男友
艺人陈法拉自与Neway大少薛世恒分手后，未几即恋上曾任外交官的法籍型男司马诺（Emmanuel Straschnov），最近不时回港搵钱赚学费的法拉，日前撇下男友独自回港出席活动，工作后见她匆匆前往中环的发型屋变身，换上了一身便服的她随即乘车前往机场，急赶返回美国会男友。
欧阳靖爆囝囝玩Freestyle“有啲嘢”
饶舌歌手欧阳靖（MC Jin）接受电台访问，提到近日戴上面具化身“Hip Hop Man”参与内地音乐节目《中国有嘻哈》而大受欢迎，他笑言自己精神分裂：“每次答嘢都要做‘Hip Hop Man’答一次，然后又做番欧阳靖答一次，‘Hip Hop Man’永远都系Hip Hop行先，大家咁关注成个节目，佢真系非常之开心。”
回到欧阳靖的立场，他表示十分感激：“生活上、事业上好多嘢都系可遇不可求，所以尽力做好自己。”
问到为何接拍这节目？他指制作单位早前联络其经理人：“初时未谂点参与，不过佢哋觉得冇我就成唔到事。倾嗰阵我觉得如果我参赛好似唔系好Make Sense，我就提议用‘Hip Hop Man’呢个身份，听到我囝囝讲爸爸系‘Hip Hop Man’系有趣嘅。”
MC Jin认为在这平台用普通话Rap，是一个很好的学习和挑战机会。至于签了保密协议，之前未能承认“Hip Hop Man”的身份，他没因要忍口而感到辛苦：“有一班人已经知面具后系边个，因为认同同欣赏，又乐意一齐玩呢个游戏，就算见到我都系叫我Hip Hop Man。”
对于入行十多年再有新人感觉，他直言很难得和正到爆，很想多向街头表演方面发展。虽然工作量大增，但他表示努力之馀更加要小心，亦要平衡与家人的相处：“我个仔乜都唔理，净系想知爹哋几时返嚟同佢玩喷水。佢啲Freestyle功力都有啲嘢，分分钟畀佢过咗我Level。”
孖医科男蜜游新加坡？千雪BB：去了旅行
前港姐朱千雪（Tracy）早前被指与一名于澳洲就读医科的Justin Ng关系密切，有指二人近日蜜游新加坡，Tracy接受东网查询时，未有正面回应，只回覆说：“放假去了旅行休息，谢谢！”
冯德伦43岁生日！舒淇甫头贴头相晒恩爱
台湾女星舒淇同冯德伦上年9月结为夫妻，但婚后不足一年就传出“分”讯，真系令人担心。但随住最近佢哋“合体”出席活动，仲喺台上大晒恩爱，令“分”讯传闻不攻自破！
而8月9号系冯德伦43岁生日，大日子当然要同老婆好好庆祝一下，舒淇就喺Instagram上载咗同冯德伦嘅合照。相入面见到佢哋头贴头相当开心，冯德伦就拎住扎花笑得好冧，而舒淇就拎住支酒嘟起个嘴，两个表现得相当恩爱，完全唔似有“婚姻危机”！
舒淇就留言祝贺老公：“生日快乐喔！你乖乖的努力工作最重要是身强体健才好好保护，让我可以在家无忧无虑的跟你吵吵闹闹，到处的蹦蹦跳跳。祝福你健康平安喜乐唷！”冯德伦听到应该要识做喇，以后都要好好保护舒淇，用心去爱佢呀！
退出乐坛！Kay专心凑女：我咁肥仲唱咩歌
产后很少露面的谢安琪（Kay）出席好友萧润邦（Oscar）的铜锣湾生煎包店开张，见她仍有些面圆圆。受访时她表示有入股支持Oscar：“大埔店同铜锣湾店都有份，其实我同Oscar新人嗰阵已经识，我第一次出骚佢又嚟睇，好支持我，唔知佢嗰阵系咪已经睇中我，佢成日鼓励我，我攞奬佢又会喊，今次同佢做生意系因为我想学嘢，我都想有自己生意，依家向佢学师先。”
40岁的她亦表示之前都有一齐为大埔店睇铺位，又笑言大埔店门口师傅很像韩国天团Big Bang队长G-Dragon：“所以好受街坊欢迎，但呢招喺铜锣湾未必咁work，因为铜锣湾啲人潮啲。”问到入股几多？她谓：“唔好讲，有好多股东。（老公有冇份？）我哋冇计啦。”
问到她想做甚么生意？她说：“想做生活馆嘅嘢，做啲有机清洁剂、环保布袋等，但呢啲好难营运，所以依家加入学师先。（想几时自己做到生意？）十年内。（咁耐？）要搜集资料嘛。”
问到她几时会出番来唱歌？她笑言：“我依家仲系好肥，唱咩歌呀，同埋同以前好唔同，依家生活他条啲，以前日日keep住工作状态，同依家心态好唔同，好享受依家生活。”她亦分享凑女生活，笑言囡囡现时玩行为艺术：“佢识得碌嚟碌去同流好多口水，不断喺我会张床单到印花，令我床单有好多口水迹。至于个仔依家自己出去踢波，发展紧自己事业，所以依家生活好多方面都好开心。”
☞转载授权微信：lama129返回搜狐，查看更多
责任编辑：
