艺人陈豪与太太陈茵媺（Aimee）于环球贸易广场出席智能手机发布会，Aimee身穿黑色低胸吊带连身裙，丰满上围表露无遗。
二人接受访问时，被问到是否有很多夫妇档活动，陈豪笑说：“系呀！愈嚟愈多！（有几多个？）都仲倾紧，都几多嘅，多啲嚟密啲手，辛苦啲都冇所谓。（会唔会两公婆一齐拍广告？）都有人问，睇吓有冇机会啦！乜嘢产品都有可能。”
至于会否一家五口一齐出镜，陈豪说：“哗！依家小朋友未系时侯，就算叫佢哋影相都有问题，一个望嘅时候第二个去咗玩，我都要花15至30分钟，先成功影到一张全家一齐望镜头嘅相，所以广告要迟啲，等佢哋大个啲。”
Aimee又谓喜欢帮子女打扮，万圣节亦有去玩。问到是否细女现时比较乖，他们说：“个个都乖，不过男仔比较好动啲，因为我哋两个都好活跃，小朋友都唔弱。”陈豪指细女Camilla较娇嗲，两个仔则较活跃：“细女揽到我好实，好有爱嘅感觉，讲唔到出嚟。”而Aimee指大仔都嗲，陈豪即说：“似足妈咪。”
问到是否不再介意性感出席活动，Aimee：“都唔系好性感，系健康嘅性感。好开心可以出嚟着靓衫。”陈豪得戚笑说：“回复状态系要骚吓。（管佢衣着？）靓行先，唔好特别卖弄性感。”
