庄思明话会陪杨明继续行落去！
庄思明喺fb放闪！
杨明终于唔使再等，拎到飞跃进步奖！
经历过四次提名「飞跃进步奖」、入行差唔多有20年嘅杨明，㖊晚终于拎到喇「飞跃进步」奖，佢喺台上多谢咗好多人，仲同女友庄思明有个约定，如果得奖会送个飞吻俾！
因为今日要开工嘅关系，所以杨明喺颁奖礼完成啲工作之后，就返咗屋企同庄思明庆祝。庄思明今日凌晨喺FB留言兼贴图，佢话：「终于等到你返嚟啦！无咩可以俾你，只能为你准备一个小型庆功宴，我专登出去买你最钟意食嘅鱼蛋烧卖！ 再一次恭喜恭喜再恭喜！」
其实喺杨明得奖之后，庄思明已经喺fb留言话：「恭喜你终于系香港攞奖啦！20年的确系一条好长嘅路，今晚证明咗你嘅努力同坚持系无白费，以后无论条路几长我都会陪你继续走下去，继续努力，继续加油！再一次恭喜你！」
