唐诗咏 同王浩信因合作剧集《不懂撒娇的女人》饰演Cherry同Saving哥，剧中一段未能开花结果嘅感情睇到大家眼湿湿，好在两人喺现实中擦出火花！不过大家咪谂错隔篱，佢的嘅感情只系建基于做生意上，两人由剧集情侣档转做生意拍档，每人投资6位数字开cafe，实行有钱齐齐搵。
唐诗咏 王浩信合作开cafe搵真银
唐诗咏 同王浩信因合作剧集《不懂撒娇的女人》而成为观众心目中嘅荧幕情侣，二人戏外唔止成为好友，更成为生意拍档，二人近日每人投资6位数字开cafe，孖住进军饮食业。
Saving同Cherry喺观众心目中系荧幕情侣，原来佢的私下唔止系好友，更系生意上的好拍档。
王浩信：望三个月内开张
王浩信对此直认不讳：「系睇中左舖位，但就未讲得住，因为牵涉其他股东利益。」正如诗咏之前所讲，有望喺呢三个月内开得成！一直同朋友搞紧时装生意嘅王浩信，话 开cafe 系想将休閒时尚嘅概念带到去饮食，被问到cafe会起羊名？王浩信笑谓：「Popcorn Cafe之类。」
大讚诗咏数口精
本身已经营潮牌服装生意嘅王浩信，再度出击进军饮食界，佢充满信心话：「唔踏出第一步，就永远唔知道结果！」而对于诗咏呢位生意拍档，佢亦好有信心，仲大讚对方数口精：「同佢合作时叫饭，发现佢畀钱好有条理，应该交畀佢管数。」
cake shop冇堂食，唐诗咏惟有拣几款蛋糕匿入厨房食，趁机向店员偷师。
唐诗咏 约林子宣开餐
早前诗咏单拖去铜锣湾帮衬一间cake shop，见佢同店员有倾有讲，明显系熟客仔，之后仲一次过拣左几款蛋糕匿入厨房试食，边食边同店员吹水，乘机偷师。歎完cake，去左中环会合林子萱再食拉麵，认真擦得！诗咏咁锺意食，唔怪得要开cafe啦！
收集完情报后，诗咏去左中环会合好友林子萱再食拉麵。
诗咏先揸车送打扮性感嘅林子萱返其中半山寓所，继而再兜番去清水湾屋企休息。
