久未出现在幕前的陈茵媺（Aimee）现身清水湾一间学校，为英皇电影《日月星》开工，近年忙于凑三位仔女的她，今次复出拍戏直言兴奋，虽然离家去工作时会舍不得家中的仔女，笑指小朋友想跟她一起返工，又会问她的职业。
距离上次拍戏已有两年时间，她谓今次复工起初不习惯，但好快适应，而她在戏中饰演90年代的英文老师，教男主角原岛大地正确的恋爱态度。
一直都有倾工作
谈到老公陈豪忙于拍无綫剧《夸世代》，而她则要拍摄电影，家中的小宝贝可有人照顾？她说：“唔系，佢啱啱拍完，唔系话佢完先接嘅，好好彩，因为要有家长喺屋企照顾小朋友！（拍完呢部有排唔拍？）唔系，一路都倾紧工作，我都想拍呀，好耐冇拍啦！（同老公要夹时间拍戏？）要夹嘅！（佢凑到？）我谂佢enjoy，佢都拍咗成年戏，但其实凑小朋友仲攰，我都等咗好耐啦！”
每星期做四、五次运动
与无綫已完约的她，透露有倾过合作计划，但会以家庭为前题，至于是否不会与陈豪合作？她说：“唔敢讲唔会，睇机会同剧本！”谈到收身，她谓现时一星期做四、五次运动，而且饮食习惯都改变了，认为磅数不重要，最重要是健康！
